BB喺媽咪個肚裡面4個月lu.

尋日聽到人講,醫院產前講座會喺2月再次接受報名. 終於有幾會可以俾我有機會親眼望住BB出黎呢個世界. 當然,除此之外,可以俾我喺產房照顧老婆都係最大原因,好驚佢推左入去自己一個會慌失失,有唔妥都唔識出聲.

老婆有左之後,先知道原來有好多檢查要做. 繼上次臨到mun先搵到地方照OSCAR,又要搵地方做結構性超聲波. 點知原來係自己慒炳,政府醫院已經安排左,係自己冇睇清楚,攪到自己嚇左自己一輪.

今個禮拜又發左次怪夢,不過好攪笑.夢見BB出左世,竟然唔記得左買奶樽,結果就揹著BB周圍搵,點知又斷哂貨. 可能係BB見個呢排懶散左,所以就提醒我要快啲準備好佢啲用品.

講起用品,又係一個煩惱. 果日打開本雜誌睇,發現原來BB用的必須品有好多,買完番黎都唔知放邊. 阿媽番黎,又要諗定地方俾佢瞓,唔知點算好.

老婆呢幾日話feel到BB胎動喇,感覺一定好特別啫.