仔仔今日一歲喇!!!

諗番起由自己親手剪斷條臍帶開始,話咁快就一年.諗番起呢段時間裡面,雖然冇左好多私人時間,但係都總算係開心多左.每晚放工返到屋企,就陪佢玩到瞓覺為止,雖然每日都可能只係得個零鐘頭時間真正相處,但係佢都好鐘意捉住我哋玩玩抱抱.屋企多左個B,真係熱鬧好多

從一開始,只係瞓飽就食食飽就瞓,到而家通屋爬冇時停.睇住佢一日一日長大,每個階段都好似眨眼就過左.而家做左爸爸先至清楚,身體健康真係最重要.好彩阿仔到而家都未病過,但係每次打完針或者有少少唔妥都真係會好擔心.

家庭生活理應係最重要一個聯繫,但係真係唔明白好多人都唔重視.有時真係激氣